برنامج توعوى مكثف للمقبلين على الزواج - محافظتى القاهرة والجيزة 2018

معا لنبقي

البرنامج المدعوم بالكامل من المجلس القومي للمرأة

 للمقبلين على الزواج والمتزوجين حديثا

  المجلس القومي للمرأة بيقدم برنامج متكامل للمقبلين علي الزواج والمتزوجين حديثا لحد ١٠ سنوات زواج. الفكرة :
  • كلنا بنحلم ببيت هادى وأسرة سعيدة ومنتجة فى المجتمع وعشان نعمل دا لازم نفهم نفسنا الاول ونعرف ميزاتنا وعيوبنا ونفسيتنا ومشاكلنا وافكارنا ونعرف كمان ازاى نتعامل مع شريك حياتنا وازاى نفهم بعض ونقدر نحل مشاكلنا كمان ازاى نتعامل مع العيلة والاطفال،
  • وعلشان كدة لجنة الشباب فى المجلس أطلقت مبادرة اسمها " معاً لنبقى " برنامج توعوي مكثف للمقبلين على الزواج وكمان المتزوجين حديثا لتوضيح مفاهيم مهمه فى تكوين أسرة صحية وعائلة فاعلة وسعيدة ومنتجة .
ليه الفئات دي بالذات ؟! : عشان من هنا لاحظنا ان اكبر زيادة في معدلات الطلاق بتكون بين الشباب او المتجوزين جديد .. لأننا بنكون مش قادرين نفهم نفسنا ولا قادرين نفهم الشخص اللي مرتبطين بيه ولا قادرين نفهم يعني ايه جواز ولا قادر نحدد مسئولياتنا وادوارنا ونوزعها بينا ولا انا فاهمة يعني ايه بنت وأحيانا هو كمان بيخلط بين كونه زوجي او كونه ابني وكمان مبنعرفش ان صحتنا ليها حق علينا قبل الجواز وبعده كمان حتي الخناق بردو مبنبقاش عارفين ازاي نتخانق...ولا حتي نربي العيال ازاي ودورنا في حياتهم ايه ! حاجات كتير اوي ممكن توصلنا إننا نحس ان الطريق مسدود وتنتهي الجوازة او الخطوبة وبنرجع نندم ونقول احنا ليه محاولناش والندم بيزيد اكتر لو في اطفال البرنامج بيعلمنا : ازاي ادخل جوا تفاصيل نفسي وأتعرف عليها يعني اني طرف تاني وايه هي احتياجاته وهل لازم تبقي طلباتنا وميولنا شبه بعض؟! طب لو مش شبه بعض نعمل ايه ازاي نعمل عيلة هادية وجميلة ومتوائمة ازاي نرتب اولوياتنا ازاي نربي ولادنا ونحميهم من اي عنف وبالذات التحرش بيهم ازاي اعلم ابني انه فيه حاجات حلوه ولازم يحبها في نفسه ازاي أخطط للإنجاب ايه هو العنف الاسري وبيأثر ازاي علي حياتنا وايه المشكلات التانيه اللي ممكن تأثر علي جوازي واحنا مش واخدين بالنا البرنامج متقسم ل ١٦ موضوع :  اول مرة هتكون الجمعة الموافق ٢ نوفمبر ٢٠١٨  في مقر المجلس القومى المرأة (11 شارع عبد الرزاق السنهورى - متفرع من مكرم عبيد) . البرنامج مدعوم بالكامل من المجلس القومي للمراة يعني مش هتدفعوا اي حاجه وكمان هنتغدي مع بعض وهنعمل انشطة كتير ولادنا هنجيبلهم خبراء يعلموهم .......... ويأكلوا و يشربوا ويلعبوا معاهم عشان تحضرو البرنامج: لازم نكون مقبلين علي الزواج او حتي بنفكر فيه ولازم الزوجين يحضرو كل الأيام ولازم نسجل علي اللينك دا ونستنا حد يكلمنا يأكد ان الشروط متوافرة وهتكونوا معانا في الكورس. أخر ميعاد للتقديم ٢٨ أكتوبر ٢٠١٨.    

المجلس القومي للمرأة يواصل فعاليات برنامج ريادة الأعمال بمحافظة الشرقية

في اطار المشروع القومى لتنمية الأسرة المصرية ، وتنفيذا للمبادره الرئاسيه" حياه كريمه " يواصل فرع المجلس القومي للمرأة بمحافظة الشرقية سلسله تدريبات رياده الاعمال لتمكين السيدات اقتصاديا ، وذلك بقرى المحافظة ، خلال الفترة من ٥ وحتى ١٢ ابريل ٢٠٢٢. يذكر أن برنامج ريادة الأعمال يستهدف تدريب ١٣٦ ألف سيدة على إدارة مشروعاتهن ، و يتضمن تعريف السيدات بمبادئ التخطيط ، والتسويق ،والمفاهيم الأساسية لريادة الأعمال كالإبتكار وتقييم الفرص  وإدارة الوقت والمسؤوليات وتحديد الأولويات ، بالإضافة إلى شرح نموذج العمل التجاري وقواعد المحاسبة وخطوات تسجيل وترخيص أى مشروع جديد ، كذلك التعرف على عدد من الجهات التى تقدم خدمات المشروعات الصغيرة والمتناهية الصغر و التى يمكن للسيدات الاستفادة من خدماتها  .  

الثلاثاء 12 أبريل 2022 02:28 م