الرئيسية / المحتوى / خدمات المرأة / برامج تدريبية ومنح / برنامج توعوي مكثف للمقبلين على الزواج

برنامج توعوي مكثف للمقبلين على الزواج

معا لنبقي

البرنامج المدعوم بالكامل من المجلس القومي للمرأة

 للمقبلين على الزواج والمتزوجين حديثا

الفكرة :-

  • كلنا بنحلم ببيت هادى وأسرة سعيدة ومنتجة فى المجتمع وعشان نعمل دا لازم نفهم نفسنا الاول ونعرف ميزاتنا وعيوبنا ونفسيتنا ومشاكلنا وافكارنا ونعرف كمان ازاى نتعامل مع شريك حياتنا وازاى نفهم بعض ونقدر نحل مشاكلنا كمان ازاى نتعامل مع العيلة والاطفال،
  • وعلشان كدة لجنة الشباب فى المجلس أطلقت مبادرة اسمها ” معاً لنبقى ” برنامج توعوي مكثف للمقبلين على الزواج وكمان المتزوجين حديثا لتوضيح مفاهيم مهمه فى تكوين أسرة صحية وعائلة فاعلة وسعيدة ومنتجة .

البرنامج:-

البرنامج عبارة عن برنامج مكون من ثلاثة ورش عمل

  1. الورشة الاولى وعنوانها (أنا و أنا) ازاى افهم نفسى ودى هتناقش موضوعات متعلقة بالشخص نفسه ومع نفسه:-
  • هنتكلم فيها عن النفسية – المشاعر – الغضب – الافكار – السلوك – الشخصية
  • و ايه هو التغيير و  اواى تتغير وايه هى عيوبي  الشخصية   وايه هو  النمو النفسي أو الكبران
  • كيف اصنع الاتزان الداخلي بين اللى عاوز اغير ه و بين اللى لازم اتقبله من عيوب و من ظروف حواليا … يعنى ازاي اعرف أعيش
  1. الورشة الثانية وعنوانها (هو وهى أو هى وهو) وتناقش :-
  • طبيعة المرأة وطبيعة الرجل وإزاى كل طرف بيتعامل فى المواقف المختلفة حسب تكوينه
  • إزاى نحقق التواصل الجيد وإزاى نتخذ القرارات السليمة ونستفيد من الموارد المالية المتاحة
  • أساليب التعامل الإيجابية مع إحتياجات الحياة الزوجية
  • الشخصيات المختلفة الازواج والزوجات
  • إزاى نحافظ على علاقتنا اليومية
  1. الورشة الثالثة وعنوانها (هو وهى / هى وهو)  وتناقش :-
  • إزاى نتعامل مع ولادنا وإزاى الأطفال بتأثرعلى علاقتنا .
  • إزاى الزوجة تتعمل مع أهل الزوج وإزاى الزوج يتعامل مع أهل زوجيه
  • إزاى نربى ولادنا على أساس صحى وسليم

الكورس الاول أنا و أنا بمحافظة القاهرة  هيكون في فندق هوليداي ان  سيتي ستارز مدينةنصر  ولمدة ٣ ايام

السبت  ٢٠ يناير ٢٠١٨ من الساعة ٩:٠٠ ص الي ٥:٠٠ م

الثلاثاء ٢٤ يناير ٢٠١٨ من الساعة ٦:٠٠م الي ١٠:٠٠ م

السبت ٢٧ يناير ٢٠١٨ من الساعة ٩:٠٠ الي ٥:٠٠ م

شروط التقديم

  • المادة العلمية البرنامج معده خصيصا للمقبلين علي الزواج والمتزوجين حديثا عشان كدا شرط أساسي للتقديم ان ميكونش مر علي الزواج اكثر من ٧ سنوات
  • شرط أساسي حضور الزوجين او الشخصين المقبلين علي الزواج – حضور طرف واحد ممنوع
  • شرط أساسي الاستمرار بحضور الكورسات الثلاثة

كيفية التقديم

ادخل / ادخلي علي لينك التقديم الموجود في الإعلان عشان ملي استمارة البيانات وحد هيتصل بيكم خلال ٣ ايام لتأكيد البيانات